Drucken

Verbunden - Gedicht von Anni Utz

Mia soitn wieda moi probiern
und a bissei singa,
oda a wengei musiziern,
dat gwiß a Freid uns bringa.

Ringsum duat all´s in Aufruhr sei´
von groaßa Angst und Schmerz.
Do kannt de Musi heilsam sei´,
für unsa o´gschlagns Herz.

Drum sing ma oisam, jeda alloa,
um siemi an Engel des Herrn.
Des verbind´t uns alle, de ganze Gmoa,
weil ma im Glaubn zammaghörn.


Anni Utz, 25.03.2020